Avropa və Çin ABŞ-a qarşı ittifaq yarada biləcək? - Moskvadan reaksiya
Avropa İttifaqı ilə Çin Xalq Respublikası (ÇXR) arasında ABŞ-a qarşı ittifaqın olması ehtimalı azdır və Aİ ABŞ lideri Donald Trampla tarif məsələsi ilə bağlı ayrıca danışıqlar aparmağa çalışacaq.
Gundem.az xəbər verir ki, bunu Rusiya parlamentinin yuxarı palatasının informasiya siyasəti komissiyasının rəhbəri Aleksey Puşkov deyib.
Rusiyalı senatorun fikrincə, Tramp dövründə ABŞ və Çin arasında qarşıdurma proqnozlaşdırıla bilən idi və Çin tərəfinin yeni tariflərə reaksiyası anlaşılandır.
"Aİ çox güman ki, Trampla ayrıca danışıqlar aparmağa çalışacaq", - Puşkov öz fikirlərini bölüşüb.
O, Ağ Ev sahibinin özünü necə aparmasından asılı olmayaraq, ABŞ və Avropa İttifaqının Çindən fərqli olaraq Qərbin iki hissəsi olduğunu qeyd edib.
"Onların maraqlarının situasiya ümumiliyi bu dəyişməz reallığı pozmaq üçün çətin ki, yetərli olsun", - deyə senator bildirib. /Publika.az
