Asim Xudiyev UEFA-dan növbəti təyinat alıb
Beynəlxalq dərəcəli hakim-inspektor Asim Xudiyev UEFA-dan yeni təyinat alıb.
AFFA-dan verilən məlumata görə, o, UEFA Avropa Liqasının III təsnifat mərhələsində Albaniyanın "Eqnatiya" və İrlandiyanın "Şemrok Rovers" komandaları arasında keçiriləcək cavab oyununda hakim-inspektor kimi fəaliyyət göstərəcək.
Qarşılaşma avqustun 13-də Albaniyanın Rroqojine şəhərində yerləşən "Eqnatiya" stadionunda keçiriləcək.
Mənbə: anews.az
