"Fənərbaxça" Bakıya gəlib
Türkiyənin “Fənərbaxça” futbol komandası “Turan Tovuz”la keçirəcəyi yoldaşlıq oyunu üçün Bakıya gəlib.
İstanbul təmsilçisini Heydər Əliyev Beynəlxalq Aeroportunda klubun Azərbaycandakı fan-klubu və media nümayəndələri qarşılayıb.
“Fənərbaxça” oktyabrın 3-də “Turan Tovuz”la Tofiq Bəhramov adına Respublika Stadionunda qarşılaşacaq. Oyun saat 20:00-da başlayacaq.
Mənbə: anews.az
