Moskvanın “Sadovod” bazarına PUA hücumu zamanı iki azərbaycanlı yaralanıb
Moskvanın “Sadovod” ticarət mərkəzinə pilotsuz uçuş aparatının (PUA) qalıqlarının düşməsi nəticəsində iki Azərbaycan vətəndaşı yaralanıb.
APA-nın məlumatına görə, hadisə iyunun 18-də səhər saatlarında baş verib. Yaralananların Şəki rayon sakinləri İslam Süleymanov və Elnur Nəbiyev olduğu bildirilir.
Məlumata əsasən, onlar Moskva şəhərindəki 36 saylı xəstəxanasına yerləşdiriliblər. Hazırda yaralılardan birinin evə buraxıldığı qeyd olunur.
Mənbə: anews.az
