Azərbaycanda maşın və avadanlıqların istehsalı 73,6% azalıb
2026-cı ilin yanvar-avqustunda Azərbaycanda maşın və avadanlıqların istehsalı əvvəlki ilin eyni dövrü ilə müqayisədə 73,6% azalıb. Bu barədə Dövlət Statistika Komitəsindən bildirilib.
Hesabat dövründə maşın və avadanlıqların, avtomobil, qoşqu və yarımqoşquların istehsalı sahələrində ümumilikdə 268,3 milyon manatlıq məhsul istehsal edilib.
Avtomobil, qoşqu və yarımqoşquların istehsalı isə 89,3% artıb.
Hesabat dövründə 1 929 ədəd minik avtomobili istehsal olunub. Bu, ötən ilin müvafiq dövrü ilə müqayisədə 380 ədəd azdır.
Gülnar Nazimqızı
Mənbə: anews.az
