Bu ərazidə işıq olmayacaq
Sabah Bakının Nizami rayonunun bir hissəsində elektrik enerjisinin verilişində məhdudiyyət olacaq.Bu barədə "Azərişıq" ASC-dən məlumat verilib.
Bildirilib ki, Nizami Rayon Enerji Təchizatı və Satışı İdarəsinin ərazisində yerləşən Qapalı Paylayıcı Qurğularda təmir-təftiş işləri aparılacaq.Bununla əlaqədar saat 10:00-dan 13:00-dək Mikayıl Əliyev küçəsinin bir hissəsinə elektrik enerjisinin verilişi dayandırılacaq.
Təmir işləri başa çatdıqdan sonra ərazi daha keyfiyyətli elektrik enerjisi ilə təmin ediləcək.
Mənbə: anews.az
