Tərtər, Ağdaş, Bərdə, Goranboy və Yasamalda elektrik enerjisi məhdudlaşdırılacaq
Tərtər, Ağdaş, Bərdə və Goranboy rayonlarının, həmçinin Bakının Yasamal rayonunun bir sıra ərazilərində bu gün elektrik enerjisinin verilişində məhdudiyyət yaranacaq.
“Azərişıq” ASC-dən verilən məlumata görə, fasilələr elektrik şəbəkələrində aparılacaq təmir və texniki işlərlə əlaqədardır. İşlər elektrik enerjisinin keyfiyyətinin yaxşılaşdırılması və artan yük tələbatının qarşılanması məqsədilə həyata keçiriləcək.
Tərtərdə saat 10:00-dan 14:00-dək İrəvanlı və Bayandur kəndlərinin bir hissəsində 10 kV-luq elektrik xəttinə toxunan ağacların budanması ilə əlaqədar enerji təchizatı məhdudlaşdırılacaq.
Ağdaşda 35 kV-luq “Pirəzə” və 10 kV-luq “Kükəl” hava xətlərində aparılacaq təmir işləri səbəbindən saat 10:00-dan 17:00-dək Abad, Ağzıbir, Ağcaqovaq, Eymur, Ərəbşəki, Hüşün, Xınaxlı, Kotavan, Kükəl, Qaradeyin, Qaraoğlan və Pirəzə kəndlərinin bəzi ərazilərində elektrik enerjisinin verilişində fasilə olacaq.
Bərdədə 35/10 kV-luq “Şirvanlı” yarımstansiyasında 16 MVA gücündə yeni transformatorun quraşdırılması ilə əlaqədar saat 10:00-dan 19:00-dək Böyük Qacar, Dəymədağıldı, Hüseynbəyli, Xanxanımlı, Kətəlparaq, Qullar, Qurdlar, Piyadalar, Soğanverdilər, Şahvəlilər, Şirvanlı və Uğurbəyli kəndlərində planlı fasilə tətbiq ediləcək.
Goranboyda 10 kV-luq hava xətləri boyunca ağacların budanması işləri ilə əlaqədar saat 09:45-dən 14:45-dək Bəşirli, Göynüyən və Hazırəhmədli, saat 10:00-dan 15:00-dək isə Xınalı və Qaramusalı kəndlərinin bir hissəsində elektrik enerjisinin verilişi məhdudlaşdırılacaq.
Bakının Yasamal rayonunda isə transformator məntəqəsində aparılacaq təmir işləri səbəbindən saat 10:00-dan 13:00-dək Ələsgər Ələkbərov, Hüseyn Cavid, Eldar Ağayev, Abbas Mirzə Şərifzadə, Mirəli Seyidov və Nazim Hikmət küçələrinin bəzi hissələrində elektrik enerjisinin verilişində məhdudiyyət yaranacaq.
Mənbə: anews.az
