2026-cı il Nobel mükafatı qaliblərinin elan olunma tarixləri açıqlandı
2026-cı il üzrə Nobel mükafatı laureatlarının elan olunacağı tarixlər məlum olub. Mükafat komitəsinin cədvəlinə əsasən, builki təqdimatlar 5–12 oktyabr tarixlərində baş tutacaq və qurumun rəsmi rəqəmsal platformaları vasitəsilə canlı yayımlanacaq.
Təqvimə əsasən, qaliblər aşağıdakı ardıcıllıqla elan ediləcək:
5 oktyabr — Fiziologiya və ya tibb
6 oktyabr — Fizika
7 oktyabr — Kimya
8 oktyabr — Ədəbiyyat
9 oktyabr — Nobel Sülh Mükafatı
12 oktyabr — İqtisadi elmlər
Laureatların rəsmi mükafatlandırma mərasimi ənənəvi olaraq Alfred Nobelin vəfat etdiyi gün — 10 dekabr tarixində Stokholmda keçiriləcək. Mərasimdə qaliblərə Nobel medalı, fərdi diplom və pul mükafatını təsdiqləyən sertifikat təqdim olunacaq.
N.Təbrizli
Mənbə: anews.az
