Qızılın qiyməti zəifləyən dollar və ABŞ istiqrazları fonunda pik hədlərə yaxınlaşır
Qlobal bazarlarda qızılın qiyməti ABŞ dollarının mövqeyinin zəifləməsi və dövlət istiqrazlarının gəlirliliyinin enməsi nəticəsində iyun ayının əvvəlindən bəri qeydə alınan ən yüksək hədlərə yaxın səviyyədə qərarlaşıb.
Qızılın spot qiyməti sessiya ərzində 4 525,79 dollara yüksəldikdən sonra bir qədər sabitləşərək bir troya unsiyası üçün 4 512,19 ABŞ dolları təşkil edib. ABŞ-də dekabr çatdırılmalı qızıl fyuçerslərinin qiyməti 0,6% artaraq 4 569,80 dollara çatıb. Gümüşün spot qiyməti isə 0,2% bahalaşaraq unsiyası 67,06 dollara yüksəlib.
ABŞ Maliyyə Nazirliyinin uzunmüddətli borc kağızlarının geri alış həcmini artırmaq qərarı xəzinə istiqrazlarının gəlirliliyini aşağı salaraq dollar üzərində təzyiq yaradıb və qiymətli metallara tələbatı artırıb. İnvestorlar eyni zamanda ABŞ Federal Ehtiyat Sisteminin (FED) iyul iclasının inflyasiya risklərini ön plana çəkən protokol qeydlərini təhlil edirlər.
N.Təbrizli
Mənbə: anews.az
