Külli miqdarda narkotik vasitənin ölkə ərazisinə keçirilməsinin qarşısı alınıb
İrandan Azərbaycana paraplan vasitəsilə 65 kiloqram 500 qram narkotik vasitənin keçirilməsinin qarşısı alınıb.
Dövlət Sərhəd Xidmətinin (DSX) məlumatına görə, sentyabrın 11-də Sərhəd Qoşunlarının “Horadiz” sərhəd dəstəsinin xidməti ərazisində keçirilən sərhəd axtarışı və əməliyyat tədbirləri zamanı narkotik vasitə aşkarlanıb.
Belə ki, saat 03:11-də İran ərazisindən Azərbaycan istiqamətində paraplan vasitəsilə atılan, ümumi çəkisi 65 kiloqram 500 qram olan narkotik vasitə aşkar edilərək qanunsuz dövriyyədən çıxarılıb.
Faktla bağlı əməliyyat-istintaq tədbirləri davam etdirilir.
Mənbə: anews.az
