Doğum xəstəxanasında infeksiya faciəsində 9 körpə öldü
Rusiyanın Kemerovo vilayətində doğum evində baş verən infeksiya hadisəsi nəticəsində 9 körpə həyatını itirib.
BAKU.WS xəbər verir ki, hadisə Novokuznetsk şəhərində yerləşən doğum xəstəxanasında qeydə alınıb. Kemerovo vilayəti Səhiyyə Nazirliyinin məlumatına görə, 1 dekabr – 11 yanvar tarixləri arasında bu tibb müəssisəsində dünyaya gələn 17 körpənin vəziyyəti kritik olub.
Açıqlamada bildirilir ki, körpələrdə infeksiya aşkarlanıb və onlardan 9-u bütün tibbi müdaxilələrə baxmayaraq vəfat edib.
Hadisə ilə əlaqədar olaraq doğum xəstəxanasının fəaliyyəti sanitar-gigiyenik və epidemioloji vəziyyətə görə müvəqqəti dayandırılıb, müəssisədə yoxlamalara başlanılıb.
Rusiya İstintaq Komitəsi də faktla bağlı araşdırma başladıldığını açıqlayıb.
