Sabah Sabirabad, Salyan və Saatlıda qaz olmayacaq
Sabah Sabirabad, Salyan və Saatlı rayonlarının bəzi küçə və kəndlərinin qaz təchizatında fasilə yaranacaq. Bu barədə Azərbaycan Dövlət Neft Şirkətinin "Azəriqaz" İstehsalat Birliyindən məlumat verilib.
Bildirilib ki, payız-qış mövsümünə hazırlıq işləri ilə əlaqədar iyulun 14-də saat 10:00-dan işlər yekunlaşanadək Sabirabad şəhərinin bəzi küçələrinin, Salyan rayonunun Kürsəngi, Yenikənd, Şəkərli, Həsənli, Qardilli kəndlərinin və Saatlı rayonunun Günəşli, Qarayevkənd, Fətəlikənd, Xanlarkənd, Çolpu və Azadkənd kəndlərinin qaz təchizatında fasilə olacaq.
Mənbə: anews.az
